А.Алтай ахдаа....тэр монголдоо герман хэлний хамгийн шилдэг орчуулагч байсан юм. Герман багш нар германаар өргөдөл , төслөө гуйж бичүүлдэг байлаа...

Өтгөн сүүтэй кафе аяглаад тухлан суудаг ширээний тань

Өнцөг халцарч, өнгөө алдаад хөл нь хэдийн догонцож байсан ч

Үүлсээс дээгүүр санааширах алсад санаа алдахын ч гуниггүй

Үүргүй мөртлөө харш засагч  асарч шувууны адил

Уужуухан сэтгэлийн амгалан хөндийд сандрахгүйн хөвд хучсан

Ухаан билгийн агуу их өглөгч хүндэт ахын дэргэд

Саатан суусан хором бүр надад шагнал байсан юм

Сэмрэх их амьдралын ухааны сэлүүрч та

Эр зүрх чинь уйлж явсанаа өөрөөсөө ч нуусан

Энэрлийн их төгс оршихуй л мөн байсан.....

                              Хүндэтгэлтэйгээр мэхийн ёслож нулмисгүй үднээ таныг. Г.Нармандах

яг л миний ААВ шиг тийм ээ, аав гэж таныг л бурхан надтай уулзуулж аавын тухай сөрөг төсөөлөлтэй надад, аав гэж ийм сайхан хүн байдаг гэдгийг сэтгэлийн минь мөсийг хайлтал дулаацуулан байж мэдрүүлсэн. Таньтай таараад өсөхөөс аваад дургүйцэж явдаг байсан аав гэдэг хүнийг уучилж бас хайрласан юм. Эцэг хүн гэдэг гүн хүндэтгэл өмөг түшиг билээ.Эрх хөөрхөн охиноо хөтлөөд түүнээ хэрхэн өсгөж торниулсанаа хүүрнэх дуртай байсан энэ эцэг хүнийг бурханы орондоо саадгүй түргэн хүрээсэй гэсэн ерөөлөөр үдэж байна