энэ өдөр дуусгасан зургаа шидэт дагина минь чамд зориуллаа 50x70см. зотон, акрелик

                                            зураач Г. Нармандах

Ногоолин орчлонг баясгасан хүүхэн бурханг Дарь эх гэдэг

Нууцхан сэтгэлдээ залбирсан хүсэл бүхэн түүний сонорт хүрдэг

Цэцэгсийн шүүдрээр ундаалдаг уяхан дагиныг Савдаг гэдэг

Цэнгэлт дууны эгшигт, ертөнцийн хайр дэлгэрдэг

Дурлалын гэгээн зовлонг шагнан урамшуулагчыг Дагина гэдэг

Дуулим орчлон өөрөө, түүний шидэнд өнгөө олдог

......................................................................................

Чи мэдэх үү шөнө дундаас хойш үүр цайхаас өмнө

Чимээ аниргүйн дунд гүн нойрны орчинд

Анивчих ододоос унасан цацрагч гэрлүүд ирдэг

Аальхан төрхөө нуусан шидэт дагинас юм тэд

Анхилам гэзгээ асгаруулан нойрсох

Алиахан бүсгүйн ягаахан уруул дээр

Дохиурын туяа гэрэл ойлгож

Дурлалын зүүд бэлэглэдэг л юм

Тэр зүүдэнд хэн ирдэг гээч

Тэвчээр алдан би энд хэлэх үү

Инээмсэглэлд нь цаг хугацаа зогсом

Идэрхэн залуу гараас атган

Амьсгалах агаараас нь адис авмаар

Ахин хэзээ ч мартахын аргагүй

Гэрэлт мэлмийд нь би төрхөө харж

Гайхалтай үнсэлтэнд умбаж байдаг

Нойрмог зүүднээс салж ядан

Нухлаж нүдээ нээсээр сэрэхэд

Гэрлэн зам цонх зүглэн

Гайхамшигт одод руу буцаж байдаг

Амтат зүүдэнд учран жаргасан

Амраг түүний тухай бодолд

Автаж дэндүү жаргалтайгаар суниаж

Ахиад  дагинас ирэх хүртэл санааширч

Сар болон ододын тухай бадгуудад автан

Саатаж зүүдээ манасаар.........................